Sprache

 

 

 

 

 

 

 

!!! Годишен план на Богослужби за 2019 !!!

 

 

 

 Јануари

 


27.01.2019 Недела,  Неделна Литургија   10 ч  

27.01.2019 Недела,  ГОДИШНО СОБРАНИЕ   12 ч   

 

 

Февруари

 

03.02.2019 Недела  Неделна Литургија  10 ч

17.02.2019 Недела  Неделна Литургија  10 ч

24.02.2019 Недела  Неделна Литургија  10 ч

 

 

 

 

 

 

Драги Браќа и Сестри


Како треба да се однесуваме во Црква

 


Кога одиш во црква,мисли дека влегуваш во домот на Небесниот Цар и треба да стоиш исто
онака, како што би стоел на небесата пред Царот на царевите.Исто така, на тоа не упатуваат
и црковните песни, со зборовите : Кога стоиш в црква, мисли дека стоиш на небесата.
Ако сакаш твоите молитви да бидат полезни, прости му на секого што те навредил, та и ти да
можеш да речеш : „ Оче наш, Кој си на небесата, прости ни ги долговите наши како што им ги
проштаваме и ние на нашите должници. “Знај добро дека, ако не си подготвен да им простиш
на оние што те навредиле, нема ни тебе Бог да ти ги прости гревовите. (МТ.6, 15 )
Кога стоиш в црква, не се врти на страна: не ги гледај другите, како тие стојат или се молат,
бидејки ке бидеш осуден како фарисејот, зошто правото да суди Му припаѓа само на Бога, а
не тебе. Гледај кон Олтарот, каде што најсветата жртва се принесува и тивко повторувај си:
„ Боже биди милостив кон мене грешниот ! “
Чувај се како од жив оган од смеење и од разговарање в црква, бидејќи така го навредуваш
Бога и со тоа покажуваш дека немаш почит кон црквата како најсвето место, а ги наведуваш
и другите на грев и им го свртуваш вниманието од молитвата. Слушај внимателно што се
чита и се пее и од тоа насладувај се. И ако твоите мисли скршнат кон нешто друго, обиди се
да се сосредоточиш кон молитви и песни, со кои се слави Бога. Само тогаш ќе ожнееш полна
корист од одењето в црква.
Доаѓајќи в црква, помисли на починатите и на сопствената смрт, која е неизбежна. Помоли се
за починатите и запали свеќа за нив. Ова нема само ним да им користи, но, исто така и тебе,
бидејќи со тоа покажуваш љубов кон својот брат. В Црква, пак, спомни си за твоите живи
браќа, за родителите, за децата и за сите роднини и пријатели и запали свеќа за нивно
здравје.
Она што го слушна в црква: песните,молитвите или проповедта, мисли на кој начин можеш
да ги исполниш. Зошто, инако ќе бидеш осуден, бидејќи знаеш што треба да правеш, а не го
правиш тоа. „ Блажени се оние кои го слушат словото Божјо и го исполнуваат “ (Лк. 2 ).
Поучувај ги твоите деца и сето твое семејство така да прават, па ќе бидеш награден од Бога.

 


Протајереј Горан Мантароски.
Христос помеѓу нас .............. Е , и ќе биде !!!
Однапред ви благодариме на Вашата помош
Од управата на црковна општина
"Св. Наум Охридски" од Тринген Швајцарија

 

 

 

 

 

повеке...